هكذا دائما ....سقف احلام مرتفع ينتهى بك لقبول اى شيء ....اى شيء
حتى لو كان هذا شيء هو انك تحلم بالأصدقاء يجتمعون في حلم
حلم !! مستحيل ان يحدث هذا في الواقع ....واقعنا مليء بالسجون و القبور
و عيادات الطب النفسي !!
لابد ان تضمن الدولة عدالة التوزيع ..المعتقلات اولا ....القبور ...
و لتحقيق العدالة المطلوبة من يتبق يذهب لأى دكتور نفسي
.........................................................................
الساعة 12 تقريبا
مظاهرة صغيرة في البريك قدام مبنى عمارة ( هندسة القاهرة )
زميل اخوانى يهتف ......و الكل يردد من خلفه حتى لو كان هذا من باب ارضاء الضمير
او من باب الحفاظ علي البقية الباقية من مبادىء اوشكت علي الانتهاء !!
زميل 1 .. يتحدث بصوت منخفض ...انا واقف اه بس مش هقول وراه
انتوا نسيتوا دة اخوانى ...فاكرين عمل اية و رأية كان أية دلوقتى جاي يهتف
مش هقول وراه ....مش هقول وراه
زميل 2 تعالي يا عم من هنا يعنى هما لو كنا احنا اللي الجيش سحلنا زى ما عمل قبل كدة
كنا لقينا حد يبص في وشنا ....كانوا هيخلوا السيسى امير المؤمنين و احنا كفره ولاد **^*)
مش لاعب و مش هبقي معاهم
....................................................................................................
فيين الاضراب
زميل اخوانى جاء يحدثنى ....فيين الاضراب هو اتفك ليه و ازااى
فيين الاتحاد ....انا عارف انه ممكن يكون مش مؤثر و مش هيعمل حاجة بس بردوا
لا اتذكر باقي كلماته و لم اسمع للباقي ....كنت اراقبه فقط و هو يتحدث
و كأنه منضم حديث لأحد الفصائل الثورية حديثا ! :)
بالنسبة لي ....لم يكن عدم اهتمامى بكلامه و شرحه لأهمية الاضراب تقليل منه او من الاضراب
لكن شريط طويل من ذكريات عمرها اكتر من سنتين ....اول اضراب في الكلية
كنا في زايد ....محاولات بائسة معروفة نتائجها ....نحاول اقناع الباقي ....لازم نضرب
لازم موافي يخرج ...تار زمايلنا ......بورسعيد ..دموع والد مهاب زميلنا الله يرحمه
يسقـــــــــــــــــــط حــــــــــــــــــكــــــــــــــــم العـــــــــــــــسكر
هنضرب حتى و لو كنا عشرة !!
و فعلا كنا في حدود العدد دة ....اضربنا !!
تفاصيل اكتر و ذكريات اعمق .....و مواقف ...تصرفات
انتخابات ...رئاسة .....كرسي .....عسكر ....ابو الفتوح .....مرسي ......خيرت
اعادة .....بجاتو .....تكريم ....تأييد ....اعلان دستورى ...مش عايز اتكلم دلوقتى
مش متابع سياسة ..................
في اخر حوارنا عن الاضراب ....حوار كان يتحدث هو فيه و انا اسمع و اتذكر
لم اكن صريحة كعادتى ...لم اواجهه و لن اواجهه ......فات الميعاد يا اخ
لو كنت بهذة الثورية و الجراءة منذ سنتين و اكثر ...اكييد مكنتش هتيجى تضرب دلوقتى
فااااااات الميعاد
........................................................................................
اغانى الحب و الجرح و اغانى العاطفية ....لو ركزت فيه هتلاقي المغنى بيتكلم عن لحظة انا معرفهاش
و لسة مجربتهاش ......لحظة بيتكسر فيها الحب اللي كان ما بينهم
اللحظة دى في كتير مننا جربوها ....اه و ربنا في كتير مننا اتكسر جواه اى تعاطف تجاه البعض
يعنى خلاص ....عمرك ما هتلاقي كمال خليل و دومة بيهتفوا لخيرت الشاطر
و انت نفسك عمرك ما هتتعاطف مع حد نزل ضربك ...حلل دمك
الموضوع تخطى خناقة علي انتخابات اتحاد طلبة ...!!
كل واحد مننا شايف ان تانى متورط في دم اخوه حتى و لو بصمت !!
...................................................................................
عايشيين في ازهى عصور الطب النفسي
يعنى لو دكاترة الطب النفسي شاطرين ....يعملوا عروض
يخادوا الاصحاب بكدج واحدة مع بعض و يعالجوهم كلهم سوا
.............................................................................
المبادىء vs الواقع
المبادىء تخليك تنزل تتضرب و تموت مع اى حد حتى و لو كان عدوك
حتى و لو كان كفرك ...ضربك ....باعك
بس الواقع بيقول ازااى هتعرف تاكل في طبق واحد مع واحد كان لسة بيحرم عليك الحياة !!
انتصر الواقع علي المبادىء ....اكثرنا ضمير هو اللي نزل رابعة يجيب شوية دواء و روح يجرى
او نزل و موقفش في الصفوف الاولي ...مهى مش معركته :) :)
.......................................................................................................
