كان فيه حاجة زمان اسمها صندوق الدنيا ....
صندوق و فيه شوية صور و الراجل الطيب صاحب الصندوق بيقف يحرك الصور
الراجل كان بيشيل الصندوق و يلف بيه فى الشوارع
الصندوق كان عبارة عن شوية صور بتجرى ورا بعض
.....................................................................................
لما كنا في المدرسة ميس طلبت مننا اننا نعمل صندوق صغيير و نرسم ورق و نعمل صندوق الدنيا
و كبرت شوية و عرفت ان الكارتون زى صندوق الدنيا عبارة عن شوية صور كتير كتير اووى بتتحرك بسرعة كبير
و لما كبرت شوية عرفت ان الحياة عبارة عن شوية صور بتمشي اسرع من سرعة صور الكارتون
...........................................................................................
هل في طريقة تخليينا نرجع صندوق الدنيا تانى .... نشوف كل الصور و هى بتتعرض
نشوف الورد لما جه لينا و احنا مضايقين
و الشيكولاتة اللي كنا بناكلها في محاضرة و احنا قاعدين في اخر مدرج
نشوف اصحابنا اللي كانوا معانا في ابتدائي بس عزلوا في مكان بعييد و سابوا المدرسة
....................................................................................................
ليست هناك تعليقات:
إرسال تعليق